O Celta empata co Compostela na homenaxe ás vítimas do accidente ferroviario.

A SD Compostela e o Celta de Vigo asinaron táboas no amigable que ambos os dous equipos disputaron esta noite en Santiago para render homenaxe ás vítimas do accidente ferroviario acontecido na capital de Galicia o pasado 24 de xullo.

O resultado era o que menos importaba, por iso ambos os dous adestradores aproveitaron o encontro para darlle minutos aos menos habituais, especialmente o técnico celeste Luis Enrique, que unicamente aliñou de inicio a tres dos seus teóricos titulares, o capitán Borja Oubiña, o central arxentino Cabral e o centrocampista brasileiro Rafinha.

O Celta perdóalle a vida ao Granada

Rafinha adiantou aos locais e Piti puxo a igualada no segundo tempo


O Celta de Vigo deixou escapar vivo de Balaídos ao Granada, nun partido que os celestes, notablemente superiores ao seu rival, non souberon matar e acabaron pagando o seu único erro defensivo cun gol que lle dá un punto a un rival directo.
Luis Enrique conseguiu engraxar a súa máquina antes do que el mesmo esperaba. Nin tan sequera a baixa do seu cerebro, Borja Oubiña, a acusou o Celta ante o Granada. Certo é que o conxunto andaluz puxo moito da súa parte. Foi un espellismo do rival que puxo en apuros ao Real Madrid a pasada xornada.